Ermənistandan Xankəndiyə hər gün 400 ton ərzaq daşınırmış

Ermənistandan Xankəndiyə hər gün 400 ton ərzaq daşınırmış
  21 Dekabr 2022    Oxunub:1547
Xəbər verdiyimiz kimi 10 gündür ki, Laçın dəhlizində ermənilərin ekoloji terroru ilə bağlı dinc aksiya keçirilir. Rusiya sülhməramlıları aksiya səbəbindən yolda nəqliyyatın hərəkətini dayandırıblar.
Qarabağda yaşayan ermənilər isə bu səbəbdən Ermənistan və ümumilikdə xarici aləmlə əlaqələrinin kəsilməsindən gileylənirlər. Hətta separatçılar dezinformasiya yayaraq guya azərbaycanlıların aksiyasına görə "30 min"i uşaq olmaqla "120 min" erməninin humanitar böhranla üzləşdiyini deyirlər. Halbuki Azərbaycanın Qarabağ bölgəsində heç 50 min etnik erməni yaşamır. İrəvan iddia edir ki, 1100 erməni yolların bağlı olması səbəbindən Azərbaycana qayıda bilmir.

İrəvanın dəhlizdə "xəstə oyun"u
Bu gün isə "Mamul" saytı diqqət çəkən məlumat yayıb. Xankəndidəki separatçı rejimə istinad edən erməni saytı yazır ki, sən demə hər gün Ermənistandan Xankəndiyə 400 ton ərzaq, dərman və digər ləvazimatlar daşınırmış: "Qarabağdakı tibb müəssisələrinin reanimasiya şöbələrində yatan 20-dən çox xəstənin təcili olaraq Ermənistana aparılmasına ehtiyac var. Onların 13-ü yeni doğulan uşaqdır. Ümumilikdə isə 350 xəstə Ermənistana gedərək müalicə ala bilmir. Qarabağda planlaşdırılan bütün tibbi əməliyyatlar isə müvəqqəti olaraq dayandırılıb. Bundan başqa, Ermənistandan bu bölgəyə hər gün 400 ton ərzaq və dərman çatdırılırdı ki, hazırda bu mümkün deyil. Ümumi nəqliyyat böhranı erməniləri ərzaq, dərman və yanacaq çatışmazlığı ilə təhdid edir".

Xatırladaq ki, bir neçə gün öncə Qarabağ ermənilər bazarlarda tərəvəzlərin qeybə çəkilməsindən, xüsusən də pomidor və xiyarın satılmamasından gileylənirdilər.

Tural Tağıyev
AzVision.az



Teqlər:   Dəhliz   Ermənistan   Qarabağ  



Xəbər lenti


Azvision.az ©2014 | Bütün hüquqları qorunur