1. Mühüm siyasi məsələləri ovda həll edirdi

Ovçuluq, bəlkə də, Leonid İliçin əsas həvəsi idi. Bu arada Zavidovo ov qoruğu baş katib üçün təkcə istirahət deyil, həm də iş yeri idi. Brejnev ora Siyasi Büroda özünə yaxın olan yoldaşlarını dəvət edir və mühim siyasi məsələləri müzakirə edirdi.

Ən mühüm dövlət və partiya sənədləri Zavidovoda hazırlanırdı. Bu kompleksdə həm də xarici qonaqlarla işgüzar görüşlər və danışıqlar aparılıb. Yuqoslaviya Prezidenti İ.B. Tito. ABŞ dövlət katibi H.Kissincer də Zavidovoda ov ediblər.




2. Brejnev öz həyatını kinosuz tamamilə təsəvvür edə bilməzdi

O, Moskva yaxınlığındakı daçasında saatlarla filmlərdən həzz ala bilirdi və Zavidovo kompleksində bütöv bir kinozal təchiz edilmişdi.Brejnev həm yerli, həm də xarici detektiv filmlərə baxmağı çox sevirdi. Ən çox sevdiyi filmlərdən biri "Baharın On yeddi anı" olub. Müasirlərinin xatirələrinə görə, baş katib bu filmə dəfələrlə baxıb.

Leonid İliç hələ ekrana çıxmamış filmlərə ilk baxmağı xoşlayırdı. Az adam bilir ki, məhz onun sayəsində sovet tamaşaçıları hansısa səbəbdən partiya ideologiyasına uyğun gəlməyən filmlərə baxırdılar.

Vaxtilə sovet kinosunun “Almaz əl”, “Qafqaz əsiri”, “Bəxt bəyləri”, “Belorusski vağzalı”, “Səhranın ağ günəşi” kimi şedevrləri senzuraya düşmüşdü. Əgər Brejnev şəxsən bu filmlərə baxmasaydı və onların böyük ekranlara çıxmasına icazə verməsəydi, o zaman onların taleyinin necə olacağı məlum deyil.



3. Həkimlər Brejnevi xokkeylə müalicə edirdilər

Leonid İliç həm də idmanın, xüsusən də xokkeyin böyük həvəskarı idi. Düzdür, o, kifayət qədər yetkin yaşda bunu özü üçün kəşf etdi. Ona görə də oynamağı öhdəsinə götürmədi, amma çox həvəsli bir fanat idi.

Yaşlı baş katibin karyerasının başlanğıcında həkimlər xokkeyə baxmağın ona stressi aradan qaldırmağa kömək etdiyini aşkarladılar. Buna görə də ona matçlarda iştirak etməyi məsləhət gördülər. Brejnevin Sov.İKP qurultayının iclasından dərhal stadiona qaçdığı barədə şayiələr yayılmışdı. Baş katibin şəxsi simpatiyası sayəsində xokkey kosmos və baletlə yanaşı sovet təbliğatının əsas vasitələrindən birinə çevrilmişdi.



Şahanə Rəhimli
AzVision.az