Qarabağ erməniləri indi də pendir tapmırlar - FOTO

Qarabağ erməniləri indi də pendir tapmırlar - FOTO
  07 Yanvar 2023    Oxunub:1533
Rusiya sülhməramlılarının Laçın dəhlizini nəqliyyat üçün bağlaması Qarabağdakı separatçıları çətin duruma salıb. AzVision.az xəbər verir ki, artıq bir aydır Xankəndi ilə yanaşı Əsgəran və digər etnik ermənilərin yaşadığı Azərbaycan ərazilərində ərzaq, kənd təsərrüfatı məhzulları ilə bağlı qıtlıq yaşanır.
Bu gün isə erməni fəal, “Koriz” gənclər mərkəzinin təsisçisi Arpine Xaçatryan sosial şəbəkələrdə Qarabağdakı dostlarından yeni fotolar əldə etdiyini yazıb. O, ərzaq növbəsini əks etdirən fotoları öz Facebook səhifəsində paylaşaraq yazıb:

Dəhliz böhranı Əsgəranı da vurdu: Rayonda qıtlıq yaşanır
“Nənələrə pendir növbəsində gözləmək uğurlu olmadı. Onlardan birinə pendir çatmayıb. O, pendirin bitdiyini biləndən sonra əlindəki boş zəmbili yelləyə-yelləyə evə əliboş gedib. Başqa bir çətin tarixi dövrdə ən ağır yük yenidən Qarabağ ermənilərinin çiyninə düşdü". Xaçatryan yükün Qarabağ ermənilərinin çiyninə atılmasını deməklə səlində İrəvana söz atmış olub.

Xatırladaq ki, dekabrın əvvəlindən Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda etiraz aksiyası keçirilir. Rusiya sülhməramlılarının nəzarətində olan yolun bir hissəsində təşkil olunan dinc aksiyalarda azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələb olunur. Sülhməramlılar aksiyalara görə dəhlizdə nəqliyyatın fəaliyyətini dayandırıblar. Amma yoldan humanitar məqsədlərlə istifadə olunur.


Tural Tağıyev
AzVision.az



Teqlər:   Qarabağ   Dəhliz   Pendir   Qıtlıq  



Xəbər lenti


Azvision.az ©2014 | Bütün hüquqları qorunur