"Benzin yandırıldığı üçün 15 əsgər ölüb" - Papikyan

"Benzin yandırıldığı üçün 15 əsgər ölüb" - Papikyan
  19 Yanvar 2023    Oxunub:1141
Ermənistanda hərbi hissədə 15 nəfərin ölümü ilə nəticələnən yanğın hadisəsinin ilkin səbəbi məlum olub.
AzVision.az xəbər verir ki, müdafiə naziri Suren Papikyan hökumətin iclasında çıxışı zamanı bəyan edib ki,
Faciəvi insidentin qarşısını almaq mümkün olmayıb.

10-a yaxın yüksək rütbəli zabit Ermənistan ordusundan qovuldu
"Hərbi polisin verdiyi ilkin məlumata görə, hadisə yanğın təhlükəsizliyi qaydalarının pozulması nəticəsində baş verib. Orada qadağan olunmuş maddə kimi təsbit edilən benzindən də istifadə olunub. Bu səbəbdən də yanğını söndürmək mümkün olmayıb", - nazir qeyd edib.

Xatırladaq ki, gecə saatlarında Ermənistanın Basarkeçər rayonunun Azad kəndində yerləşən N saylı hərbi hissədə yanğın olub. Ermənistan Müdafiə Nazirliyinin yaydığı məlumata görə, mühəndis-istehkam bölüyünün kazarmasında baş verən yanğında 15 hərbçi ölüb. Bildirilib ki, yanğında xəsarət alan 3 nəfərin vəziyyəti ağırdır. Hadisəyə görə korpus komandiri vəzifədən qovulub. Bundan başqa, daha 8 zabitin də vəzifədən uzaqlaşdırılması barədə məlumat yayılıb.

Tural Tağıyev
AzVision.az



Teqlər:   Ermənistan   Yanğın   Nazir  





Xəbər lenti


Azvision.az ©2014 | Bütün hüquqları qorunur