AzVision.az xəbər verir ki, bunu Ermənistanın baş naziri Nikol Paşinyan hökumətinin iclasında çıxışı zamanı deyib.

O qeyd edib ki, hərbçilər sobanın yandırılması üçün benzindən istifadə ediblər. İlkin məlumata görə, sobanı yandıran zabit ona 5 litrlik qabdan benzin tökməyə çalışıb. Alov qaba düşərək bir anda böyüyüb və zabit də əlindəki qabı özündən kənara uzaqlaşdıraraq kazarmanın içərisinə atıb.

Kazarma yanğını erməni cəmiyyətini qarışdırıb

Paşinyan 2-ci Ordu Korpusunun komandiri Vahram Qriqoryanın istefaya göndərilməsi ilə bağlı prezidentin qərar verməsinin səbəbini də açıqlayıb.

"Heç bir kompromis olmayacaq. Hətta vizual olaraq hər hansı bir şeyin yanlış formada olduğu aşkarlansa, tədbirlər görüləcək", - Paşinyan deyib.

O, həmçinin bildirib ki, yanğınsöndürənlər hadisə yerinə vaxtında gəliblər.

Xatırladaq ki, gecə saatlarında Ermənistanın Basarkeçər rayonunun Azad kəndində yerləşən N saylı hərbi hissədə yanğın olub. Ermənistan Müdafiə Nazirliyinin yaydığı məlumata görə, mühəndis-istehkam bölüyünün kazarmasında baş verən yanğında 15 hərbçi ölüb. Bildirilib ki, yanğında xəsarət alan 3 nəfərin vəziyyəti ağırdır. Hadisəyə görə korpus komandiri vəzifədən qovulub. Bundan başqa, daha 8 zabitin də vəzifədən uzaqlaşdırılması barədə məlumat yayılıb.

Tural Tağıyev
AzVision.az