Ohanyan: "Qanunsuz yolla varlanmamışam"

Ohanyan: "Qanunsuz yolla varlanmamışam"
  26 Yanvar 2023    Oxunub:1208
Ermənistanın keçmiş müdafiə naziri, hərbi cani və hazırda deputat olan Seyran Ohanyan diqqət çəkən fikirlər səsləndirib.
AzVision.az xəbər verir ki, o, qanunsuz əmlaklarla bağlı iş üzrə Korrupsiyaya Qarşı Mübarizə Məhkəməsinin iclasında səsləndirilən ittihamları qəbul etməyib.

Ohanyandan sərsəm açıqlama: "Qələbəmizi geri qaytarmalıyıq"
Seyran Ohanyan səs-küy salıb ki, onun səsləndirilən ittihamlara qarşı etirazları var. Hazırda müxalifət nümayəndəsi kimi siyasətlə məşğul olan eks-nazir müstəntiqin təqdim etdiyi mülklərlə bağlı faktları qəbul etməyib.

- Mən qanunsuz yollarla varlanmamışam. Göstərilən əmlak mənə məxsus deyil. Xüsusən də Sevan gölünün sahilində 1 hektardan çox torpaq sahəsinin qanunsuz zəbt etməyimlə bağlı məlumat mənim üçün qəbuledilməzdir. Prokurorluq nümayəndəsinin danışdığı informasiyalar barədə az şey bilirəm, - həbsdən qorxan Ohanyan deyib.

Qeyd edək ki, Nikol Paşinyan hakimiyyətə gələndən sonra Ermənistanda Qarabağ klanının əsas fiqurlarına qarşı məhkəmə prosesləri keçirilir. Hərbi canilər Serj Sarkisyan, Robert Koçaryanla yanaşı Seyran Ohanyana qarşı da müxtəlif iddialar qaldırılıb.

Tural Tağıyev
AzVision.az



Teqlər:   Ermənistan  





Xəbər lenti


Azvision.az ©2014 | Bütün hüquqları qorunur