Rusiya Xoy vilayətindəki zəlzələ ilə bağlı İrana yardım yolladı

 Rusiya Xoy vilayətindəki zəlzələ ilə bağlı İrana yardım yolladı
  08 Fevral 2023    Oxunub:1784
Rusiya Fövqəladə Hallar Nazirliyinin İl-76 təyyarəsi İran İslam Respublikasına humanitar yardım çatdırmaq üçün Jukovski hava limanından havaya qalxıb.
Rusiya Federasiyasının Fövqəladə Hallar Nazirliyi hökumətin göstərişi ilə İrana humanitar yardım çatdıracaq. Rusiya Federasiyası hökumətinin tapşırığı ilə ümumi çəkisi 35 ton olan humanitar yük gətiriləcək. Humanitar yardıma şəkər, un, bitki yağı, çadırlar, isti yorğanlar, sobalar və səyyar elektrik stansiyası daxildir.

Qeyd olunur ki, yanvarın 28-də axşam saatlarında İranın Qərbi Azərbaycan əyalətində, o cümlədən Xoy şəhəri ərazisində 5,9 bal gücündə zəlzələ baş verib. Son məlumatlara görə, azı 3 nəfər ölüb, daha 973 nəfər yaralanıb. Zəlzələdən sonra ən azı daha 25 afterşok qeydə alınıb.


Teqlər:





Xəbər lenti