Döyüşdə ölənlərin arvadlarına xəz paltolar verdilər - VİDEO

Döyüşdə ölənlərin arvadlarına   xəz paltolar  verdilər -    VİDEO
  09 Fevral 2023    Oxunub:1446
Rusiyada müharibə ilə bağlı maraqlı və gülməli hadisə baş verib. Qondarma "Donetsk Xalq Respublikası" (DXR) ilə Luqanskdan olan və səfərbər edildikdən sonra ölmüş kişilərin arvadlarına xəz palto hədiyyə edilib.
21 qadının aldığı xəz paltolarla bağlı təqdimatı əks etdirən video və fotonu "DXR"in keçmiş müdafiə naziri İqor (Strelkov) Girkinin şəriki Yevgeni Skripnik "VKontakte" sosial şəbəkəsində yayıb.

Videoda qadınlar yarımdairə şəklində dayanıblar və əllərində onlara hədiyyə edilmiş xəz paltoları tutaraq təşəbbüskarlara “ürəkdən” təşəkkür edirlər. Qadınlardan biri deyir ki, “belə bir fürsət yaranacağını” ağlına belə gətirməyib.

Şəkillər sosial şəbəkələrdə geniş müzakirələrə səbəb olub. Skripnik yaydığı digər fotoda isə iki nəfərin adını çəkərək onların "müdafiəçilərimizin dul arvadları üçün 21 xəz palto bağışladığını" yazıb.

Strelkovun arvadı Miroslava Reginskaya da qalmaqallı fotoları paylaşıb.
Maraqlıdır ki, Mariupol merinin müşaviri Petr Andryuşşenko yazıb ki, bahalı xəzlər məlum çəkilişlərdən sonra qadınlardan geri alınıb.




Tural Tağıyev
AzVision.az



Teqlər: Rusiya   Xəz  





Xəbər lenti