Ohanyandan sonra daha bir deputatın toxunulmazlığı ləğv edildi

   Ohanyandan sonra daha bir deputatın    toxunulmazlığı ləğv edildi
  09 Fevral 2023    Oxunub:775
Ermənistanda daha bir deputatın toxunulmazlığı ləğv edilib. AzVision.az xəbər verir ki, bu barədə yerli media məlumat yayıb.
Bildirilir ki, Milli Assambleyanın gizli səsverməsinin nəticələrinə əsasən, deputatlar müxalif “Hayastan” fraksiyasının nümayəndəsi, İzmirlyan tibb mərkəzinin keçmiş direktoru Armen Çarçyanı toxunulmazlıqdan məhrum ediblər. Bu qərar ona qarşı cinayət təqibinə başlamaq məqsədilə verilib.

Parlament Ohanyanın toxunulmazlığını ləğv etdi - Cinayət işi açılır
Çarçyanın parlament “zirehin”dən məhrum edilməsinin lehinə 67 deputat səs verib. Səsvermədə 68 nəfər iştirak edib. Bir bülleten etibarsız sayılıb.

Xatırladaq ki, dünən eks-müdafiə naziri, hərbi cani Seyran Ohanyan da toxunulmazlıq hüququndan məhrum edilmişdi.

Baş pokuror Anna Vardapetyan hər iki şəxslə bağlı parlamentdə 3 dəfə vəsatət qaldırmışdı.

Qeyd edək ki, bu, Çarçyanla bağlı ilk qalmaqallı hadisə deyil. Tibb mərkəzinin keçmiş direktoru əvvəllər rüşvətxorluqda və seçicilərə təzyiqdə ittiham olunub.

Tural Tağıyev
AzVision.az



Teqlər:   Ermənistan   Deputat   Toxunulmazlıq  





Xəbər lenti