Litva rus və belaruslara vətəndaşlıq verməyəcək

   Litva rus və belaruslara vətəndaşlıq verməyəcək
  22 Mart 2023    Oxunub:864
Litva Seymi (parlamenti) ruslara və belaruslara vətəndaşlıq verilməsini dayandırmaq qərarına gəlib.
Bu barədə “Moskva danışır” xəbər verib. Bundan başqa, Litva hakimiyyət orqanları yaşayış icazəsi olmadığı halda ölkə ərazisində daşınmaz əmlakın alınmasına qadağa qoyub.

Müvafiq qərarın Rusiyanın Ukraynadakı hərbi əməliyyatı ilə bağlı qəbul edildiyi qeyd edilib. Bu məhdudiyyətlər Belarusa Rusiya Federasiyasının hərəkətlərini dəstəklədiyi üçün təsir edib. Sənədin qəbulunun lehinə 113 deputat səs verib, 9 deputat bitərəf qalıb, heç biri əleyhinə çıxış etməyib.

Litva həmçinin ölkənin xaricdəki viza xidmətlərində milli də daxil olmaqla vizaların alınması və yaşayış icazəsinin verilməsi üçün müraciətlərin qəbulunu müvəqqəti dayandırıb. İstisna, artıq ölkədə və ya Aİ-də etibarlı Şengen və ya milli vizası və ya yaşayış icazəsi olan ruslara və belaruslara aiddir.

AzVision.az


Teqlər:





Xəbər lenti