Erməni nazir müavini ordumuzla bağlı sualdan yayınaraq qaçdı -VİDEO

   Erməni nazir müavini ordumuzla bağlı sualdan yayınaraq qaçdı    -VİDEO
  30 Mart 2023    Oxunub:968
Bu gün Ermənistan hökumətinin keçirdiyi iclasdan sonra jurnalistlər xarici işlər nazirinin müavini Paruyr Hovanisyandan açıqlamalar almağa cəhd ediblər. AzVision.az xəbər verir ki, nazir müavini maksimum dərəcədə media nümayəndələrindən qaçmağa çalışıb.
Jurnalistlər Rusiya Xarici İşlər Nazirliyinin İrəvanın “Roma Statutu”nu tanınmasına kəskin reaksiyasını şərh etməyi xahiş ediblər. O isə “Hər məsələyə məsul nazir müavini var. Bu sahələr mənim nəzarətimdə deyil. Mətbuat xidmətimizlə əlaqə saxlayın” deyib.

Azərbaycan Ordusu yeni yüksəklikləri nəzarətə götürüb
"Hraparak" nəşri isə yazıb ki, jurnalistlər nazir müavinindən Azərbaycan ordusunun irəliləyərək yeni mövqelərdə yerləşməsi ilə bağlı da mövqe bildirməsini istəyiblər. "Hovanisyan isə suallara cavab vermədən az qala qaçacaqdı", - nəşr yazıb.

Xatırladaq ki, bu gün Azərbaycan Müdafiə Nazirliyi ordumuzun Laçın yolundakı hakim yüksəklikləri və sərhədboyu geniş sahələri nəzarətə götürdüyünü bəyan edib.

"Yeni Laçın yolunun istifadəyə verilməsi ilə əlaqədar Laçın rayonunun Cağazur və Zabux kəndləri arasında yerləşən bir neçə hakim yüksəklik, əsas və yardımçı yollar, eləcə də sərhədboyu geniş sahələr nəzarətə götürülüb", - nazirlikdən bildirilib.

Tural Tağıyev
AzVision.az



Teqlər:   Ermənistan   XİN  





Xəbər lenti