Ukraynalı əsgər: "Baxmutda tağımımızı bir günə itirdik"

Ukraynalı əsgər: "Baxmutda tağımımızı bir günə itirdik"
  20 Aprel 2023    Oxunub:1322
Aleksey adlı ukraynalı əsgər xarici saytlardan birinə müharibə dəhşətləri barədə danışıb. AzVision.az xəbər verir ki, əsgər Financial Times-a verdiyi açıqlamasında Baxmut uğrunda döyüşlərdə cəmi bir günə demək olar ki, bütün tağımının həlak olduğunu söyləyib.
Əsgər etiraf edib ki, "bu birinci və ikinci dünya müharibəsində olduğu kimi əsl cəhənnəm idi”.

Baxmut döyüşlərində ukraynalı velosipedçi öldürüldü
Müharibədən əvvəl dilçi və müəllim işləmiş Alekseyin sözlərinə görə, 21 əsgərdən ibarət tağımda gün ərzində yalnız üç nəfər xəsarət almadan sağ qala bilib.

- Bizi minaatanlardan, tanklardan və təyyarələrdən atəşə tuturdular. Pilotsuz təyyarələr də üzərimizə bombalar yağdırırdı.Biz ağır yaralıları və meyitləri səngərlərdən çıxarmalı olduq... Hər şey 24 saat ərzində baş verdi, - o qeyd edib.

Nəşrin məlumatına görə, Ukrayna Silahlı Qüvvələri bu ərazidə əhəmiyyətli sayda əsgər itirib və xeyli sayda silah-sursatdan istifadə edib.

Qeyd edək ki, həm Ukrayna, həm də Rusiya itkilərlə bağlı rəsmi rəqəmləri dövlət sirri kimi saxlayır. Lakin ABŞ Ukraynanın itkilərinin təxminən 100,000, hətta 120,000-ə qədər olduğunu bəyan edib. Vaşinqtonun hesablamalarına görə, Rusiyanın 2022-ci ilin fevral ayından bəri ümumi itkiləri təxminən 200,000 nəfər olub.

Tural Tağıyev
AzVision.az


Teqlər:   Ukrayba   Baxmut   Əsgər  





Xəbər lenti


Azvision.az ©2014 | Bütün hüquqları qorunur