Müəllif prosesləri analiz edərək baş nazirin Azərbaycanın ərazi bütövlüyünü tanımasına eyham vuraraq qeyd edir ki, əslində balaca Paşinyan belə illər öncə fərqli düşünürmü.

Vardanyandan şok iddia: "Paşinyanı mühasirədən çıxarmaq üçün yüzlərlə əsgər qurban verdik"

“Müharibə mübarizənin ən böyük və ən qəddar formasıdır”. Bunu 10 yaşlı uşaq (Aşot Paşinyanı nəzərdə tutur-red.) deyib. Onun uşaq dünyasında o an nə baş verdiyini yalnız özü və valideynləri bilirdi. Ola bilər ki, heç bilmirlərmiş... Bu uşağı nə yaralamışdı ki, yapon animelərini, 3D oyunlarını və digər mövzuları qoyub öz bloqunda müharibənin dəhşətlərindən yazır, itirilmiş torpaqları döyüşərək geri qaytarmağın vacibliyini qeyd edib? Ermənistan məsələsinin həlli üçün sadəcə başqa variantın olmadığına eyham vurub", - müəllif yazıb.

Sən demə balaca Paşinyan zamanında atasının xəstə təfəkküründən də geri qalmırmış. Nikolun Qarabağı Ermənistan ərazisi saydığı vaxtlarda oğlu da Türkiyə torpaqlarını öz aləmində erməniləşdiribmiş.

O, qeyd edib ki, “Deyirlər müharibə yaxşı bir şey deyil və dövlətlər arasında problemləri qəddar şəkildə həll etməmək də olar. Gəlin reallığa baxaq. Bu gün bizim Türkiyədə "torpaqlarımız" var. Variantlardan biri budur ki, "torpaqlarımızı" türklərə hədiyyə edək, unudaq. Digər variant isə onları geri almaqdır. Amma onu necə geri qaytarmaq olar? Gedib türk dövlətindən xahiş edəcəyik ki, bu torpaqları bizə qaytarsınlar? Əgər kimsə düşünürsə ki, bu variantla "torpaqlarımızı" qaytaracağıq, getsin, bu istiqamətdə çalışsın. Ancaq onun səyləri işə yarasa şad olaram. Digər variant isə döyüşmək və güc yolu ilə ora qayıtmaqdır. Qonşu dövlətlə problemlərimizi həll edə biləcəyimiz başqa variantlar varmı? Bu variantları görmürəm, kimsə mənə başqa istiqamətlər göstərsə, sevinərəm”.

Müəllif onu da qeyd edib ki, "Aşot Paşinyan 9 noyabr 2013-cü ildə məlum qeydləri aparıb. Bu, sərbəst düşünməyi qadağan edilmiş yeniyetmənin fəryadı ola bilərdi. Amma o, üsyan edib, duyğularını və ümidlərini internetə yaydı. Aşot Paşinyan fikrini dəyişdi, yoxsa o bunu sadəcə yazmışdı?".

Qeyd edək ki, Ermənistanda sülh mövzusu aktuallaşıb. Bu səbəbdən müxalifətə bağlı olan saytlar "Böyük Ermənistan" xülyalarını və Qarabağla bağlı sərsəm iddiaları daha çox xatırladır, mövzuya dair qıcıq yaradacaq təhlillər dərc edirlər.

Tural Tağıyev
AzVision.az