Qeyd edək ki, cari ilin yanvar ayında “ASAN xidmət” mərkəzlərinə 1 000 000 müraciət qeydə alınıb, növbəti 6 ay ərzində isə bu rəqəm təkrarlanaraq müraciət sayı 2 000 000-u ötüb.

İlk - 1 saylı Bakı “ASAN xidmət” mərkəzi 15 yanvar 2013-cü il tarixində fəaliyyətə başlamışdır.

Hazırda 6 “ASAN xidmət” mərkəzi fəaliyyət göstərir. Onlardan 4-ü paytaxt Bakı şəhərində, digər 2-i isə Sumqayıt və Gəncə şəhərindədir.
Bundan başqa Azərbaycan Respublikasının Prezidentinin tapşırığına əsasən “ASAN xidmət” mərkəzlərinin təsis edilmədiyi regionlardakı əhaliyə xidmətlərin çatdırılması və mərkəzlərə gəlmədən vətəndaşların xidmətlərdən yararlanmalarının təmin edilməsi üçün zəruri müasir texnoloji avadanlıqlarla təchiz edilmiş avtobuslar 1 iyun 2013-cü il tarixindən etibarən səyyar formada regionlarda əhaliyə xidmətlər göstərir.

Ötən il ərzində 37 rayonun 60 min sakininə Səyyar ASAN xidmətlər göstərilmişdir. Cari ilin dekabr ayına kimi 41 rayonun sakininə səyyar formada xidmətlərin göstərilməsi nəzərdə tutulub.

Qeyd edək ki, “ASAN xidmət” mərkəzlərinin fəaliyyəti operativlik, şəffaflıq, nəzakətlilik, məsuliyyət və rahatlıq prinsipləri əsasında qurulur.

AzVision.az