Ermənilər Əlibəylini işıqsız qoydu

Ermənilər Əlibəylini işıqsız qoydu
  28 İyun 2014    Oxunub:930
Ötən gün ermənilərin Tovuzun Əlibəyli kəndini aramsız atəşə tutması nəticəsində rayonun elektrik enerji təchizatında problemlər yaranıb.
Bu barədə AzVision.az-a Tovuz sakinləri məlumat veriblər. Onların sözlərinə görə, ötən gün axşam saatlarından başlayan atışmadan zamanı kəndi enerji ilə təmin edən elektrik dirəkləri sıradan çıxıb. Nəticədə Əlibəyli işıqsız qalıb.

Qeyd edək ki, dünən gecə saatlarından başlayaraq Tovuzun Əlibəyli kəndi düşmən atəşinə məruz qaldı. Atışma axşam saat 23-00-dan başlayaraq gecə saatlarına kimi davam edib. Qəfil hücuma keçən düşmən ordusu yandırıcı güllələrlə otlaq sahələri və iri çaplı silahlardan yaşayış evlərini atəşə tutublar. Kəndə taxıl biçməyə gələnlər nə gecə, nə də gündüz sahəyə çıxmağın mümkün olmadığını deyirlər.

Kənd sakinləri ehtimal edirlər ki, atışma nəticəsində erməni tərəfi itki verib.

AzVision.az


Teqlər:  





Xəbər lenti