“Niaqara”dan dövlət komitəsinə CAVAB

“Niaqara”dan dövlət komitəsinə CAVAB
  04 İyul 2014    Oxunub:1492
“Niaqara” restoranı Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidməti tərəfindən məkanda aşkarlanan nöqsanlarla bağlı açıqlama verib.
Restoranın inzibatçısı Nizam Fərəcov AzVision.az-a bildirib ki, komitənin qeyd etdiyi bağırsaq çöpləri istənilən insanın orqanizmində var:

“Bağırsaq çöpləri hər yerdə, insanın əlində, orqanizmində var. Bununla yanaşı Texniki Tənzimləmə və Standartlaşdırma üzrə Dövlət Nəzarəti Xidməti bizim restoranda yalnız məhsulların saxlanma şəraitini, birdəfəlik istifadə olunan qabları, soyuducuları və s. yoxlayıblar və hamısı qaydasındadır”.

İnzibatçı vurğulayıb ki, Sanitariya və epidemiologiya stansiyası tərəfindən hər 6 aydan bir restoranda yoxlama aparılır: “Sanitariya və Epidemologiya Stansiyası işçiləri, bütün restoranı yoxlayıb. Bundan başqa salatlardan nümunə götürüb laborotoriyada yoxlayıb. Yoxlamanın nəticələri bizdə var, istənilən vaxt mətbuata təqdim edə bilərik”.

R.Fərəcov qeyd edib ki, restorandakı məhsullar bazardan alınır: “Həmin məhsullar bazara standartlaşdırma idarəsinin nəzarəti altında yoxlanıb daxil olur. Əgər keyfiyyətsizdirsə və tərkibində bakteriya varsa, bazarda satışına niyə icazə verilib?”.

Qeyd edək ki, adıçəkilən dövlət komitəsi tərəfindən “Niaqara” restoranında yoxlama aparılıb. Araşdırmalar nəticəsində restoranda mənşəyi məlum olmayan, təhlükəsizliyi müvafiq qaydada konservləşdirilmiş xiyar, göyəm, alma, alça, badımcan, gavalı turşusu, bağırsaq çöpü aşkarlanıb.

Fatimə Kərimli


Teqlər:  





Xəbər lenti


Azvision.az ©2014 | Bütün hüquqları qorunur