AzVision.az xəbər verir ki, G7 xarici işlər nazirləri birgə bəyanat yayaraq, İranı Rusiyaya ballistik raketlər göndərməkdə qınayıblar.
Bəyanatda deyilir: “İran Rusiyanın Ukraynaya qarşı qeyri-qanuni müharibəsinə istənilən dəstəyi dərhal dayandırmalı, Ukrayna xalqına, eləcə də Avropaya və beynəlxalq təhlükəsizliyə birbaşa təhdid yaradan ballistik raketlərin, PUA-ların və əlaqəli texnologiyaların tədarükününə son qoymalıdır”.
Son günlər Qərb ölkələri israrla iddia edirlər ki, İran artıq “Fath-360” raketlərinin birinci partiyasını Rusiyaya çatdırıb. Tehran bunu inkar edir, Moskva isə şərh verməkdən boyun qaçırır.
Xatırladaq ki, sentyabrın 10-da Böyük Britaniya, Fransa, Almaniya və ABŞ İrana qarşı yeni sanksiyalar tətbiq edib, bu ölkəyə birbaşa uçuşları dayandırıblar.
Məhəmmədəli Həsənli
AzVision.az
Böyük yeddilik İrandan tələb etdi: "Dərhal dayanın!"
15 Sentyabr 2024
Oxunub:338
G7 xarici işlər nazirləri İrandan Rusiyaya ballistik raketlər və PUA satışını dayandırmağı tələb ediblər.
Teqlər:
Vaxtında, Aydın, Lazımlı!
