Berbok: "Qərbin köməyi olmasa, Ukraynanın sonu gələcək"

Berbok: "Qərbin köməyi olmasa, Ukraynanın sonu gələcək"
  21 Sentyabr 2024    Oxunub:1133
Almaniyanın xarici işlər naziri Annalena Berbok Ukrayna münaqişəsi ilə bağlı diqqət çəkən açıqlamalar verib.
DPA agentliyinin yaydığı məlumata görə, o, rəsmi Berlinin lazım olduğu müddətdə Ukraynaya bütün gərəkən yardımları göstərməyə davam edəcəyini deyib.

Kiyevə 35 milyard avroluq kredit ayrılır
Berbokun fikrincə Almaniya Kiyevdən "əlini çəksə", bu, Ukraynanın sonu olacaq. O, həmçinin xüsusi olaraq vurğulayıb ki, Qərb ölkələri Kiyevə kömək etməsələr, ölkənin gələcəyi sual altında qalacaq.

Xatırladaq ki, Almaniya XİN rəhbəri sentyabrın 17-də qışda Ukraynaya 100 milyon avro ayrılacağını açıqlamışdı. O, Kiyevi dəstəkləmək üçün yeni vəsaitin ayrılmasını Rusiyanın Ukraynanın enerji infrastrukturuna silsiləsi hücumlar planlaşdırması ilə əlaqələndirib.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Son aylarda Rusiya yenidən döyüş meydanındakı vəziyyəti öz xeyrinə dəyişib. Amma Ukrayna qoşunlarının ilk dəfə olaraq Rusiya ərazisinə girib Kurskda xeyli ərazini zəbt etməsi müharibədə dönüş nöqtəsinə çevrilib.
Tural Tağıyev
AzVision.az



Teqlər:   Almaniya   Ukrayna  





Xəbər lenti


Azvision.az ©2014 | Bütün hüquqları qorunur