Nazirlik 950 nəfəri istirahətə göndərib

Nazirlik 950 nəfəri istirahətə göndərib
  11 Avqust 2014    Oxunub:1919
ƏƏSMN son iki ay yarımda 950 nəfər əlilliyi olan şəxsi istirahət mərkəzlərinə göndərib
Azərbaycan Respublikası Əmək və Əhalinin Sosial Müdafiəsi Nazirliyi tərəfindən “2014-ci ildə əlillərin və sağlamlıq imkanları məhdud uşaqların sosial müdafiəsi və reabilitasiyası Proqramı”na uyğun olaraq, daha 30 nəfər əlilliyi olan şəxs Şəkidə yerləşən sağlamlıq-istirahət mərkəzlərinə yola salınıb.

Nazirliyin mətbuat xidmətindən AzVision.az-a verilən məlumata görə, bununla ƏƏSMN tərəfindən cari ilin yaz-yay mövsümündə ölkənin Şəki, Lənkəran və Xaçmaz rayonlarındakı istirahət və sağlamlıq mərkəzlərində istirahəti təşkil olunan əlilliyi olan şəxslərin sayı 950 nəfərə çatıb. Adıgedən proqrama əsasən, mövsümün sonunadək daha 112 nəfər istirahətə yola salınacaq.

Qeyd olunan mərkəzlərdə xüsusi proqram çərçivəsində əlilliyi olan şəxslər üçün musiqili-əyləncəli tədbirlər, idman yarışları və viktorinalar, göldə üzgüçülük, balıq ovu, ətraf rayonlara gəzinti turları təşkil edilir. Həmin şəxslər istirahət etdikləri müddətdə tibbi və fizioterapevtik prosedurlara da cəlb olunurlar.


Teqlər:





Xəbər lenti