Düsseldorfdakı “Esprit Arena”da 12 raundda keçirilən döyüşdə britaniyalı boksçu rəqibinə hakim qərarı ilə qalib gəlib. Belə ki, Tayson Furi üç hakimin ortaq qərarı ilə (115-112, 115-112, 116-111) qalib gələrək yeni çempion kimi adını boks tarixinə yazdırıb. Bununla da 27 yaşlı Tayson Furi keçirdiyi 25-ci qarşılaşmada da qalib gələrək məğlubedilməzlik seriyasını qoruya bilib. İngiltərəli idmançı bu qələbələrin 18-də nokautla qalib gəlib.
Matçdan əvvəl təşkilatçılarla idmançılar arasında imzalanan müqaviləyə görə Kliçko bu görüşü uduzduğu halda 18 milyon dollar gəlir əldə edəcəkdi. İngilis boksçu isə qalib gəldiyi üçün 8 milyon dollar qazanıb.
Qeyd edək ki, boks tarixinin yeni çempionuna Tayson ismi əfsanəvi amerikalı boksçu Mayk Taysonun şərəfinə verilib. Belə ki, yeni çempionun atası 1988-ci il iyunun 27-də keçirilən döyüşdə Spinksi nokaut edən amerikalı boksçunun şərəfinə həmin qarşılaşmadan ay yarım sonra – avqustun 12-də dünyaya gələn oğluna Tayson adını verib.
Kliçko çempion titulunu əldən verdi - 11 ildən sonra
29 Noyabr 2015
Oxunub:2744
Boks üzrə super ağır çəki dərəcəsində dünya çempionu (WBA, WBO, IBF və IBO versiyaları), ukraynalı Vladimir Kliçko noyabrın 29-da britaniyalı boksçu Tayson Furiyə uduzaraq 2004-cü ildən özündə saxladığı çempion titulunu əldən verib.
Vaxtında, Aydın, Lazımlı!
-1708596417.jpg&h=200&w=200&zc=2&q=70)
