XİN rəhbəri korrupsiyada ittiham olunur
İsveçin xarici işlər naziri gündəlik «Aftonbladet» qəzetində onun barəsində məqalə dərc olunandan sonra tənqidə məruz qalıb. Məqalədə qeyd edilir ki, nazirin adı 2014-cü ildə Stokholmun mərkəzində daxili növbəni pozaraq aldığı mənzillə bağlı qalmaqalda hallandırılır.
Daha sonra İsveç prokurorluğu bəyanat verib ki, ölkənin baş antikorrupsiya prokuroru Alf Yuxanson bu məlumatlarla bağlı cinayət faktını müəyyən etmək üçün rüşvət verilməsi və alınması haqqında ibtidai istintaqa başlamaq barədə qərar qəbul edib.
Xarici siyasət idarəsinin başçısı günahsız olduğunu bildirib. Marqot Valstromun sözlərinə görə, o, kontraktı həmkarlar ittifaqı üzvlərinin hər şeyin qanun çərçivəsində yerinə yetirildiyi barədə zəmanət verdiyindən sonra imzalayıb. (Azərtac)
Teqlər: