Ankara terroruna görə 9 nəfər tutulub - Davudoğlu

Ankara terroruna görə 9 nəfər tutulub - Davudoğlu
  18 Fevral 2016    Oxunub:3203
“Ankarada baş vermiş terror aktını Suriyadakı kürd terror qruplaşması PYD-nin və onun silahlı qanadı YPG-nin üzvü, Haseke bölgəsindən olan Salih Necar adlı şəxsin törədib”.
AzVision.az Türkiyə KİV-lərinə istinadən xəbər verir ki, bunu Türkiyənin baş naziri Əhməd Davudoğlu deyib. Onun sözlərinə görə, terrorçuya Türkiyə daxilindəki PKK-çılar kömək edib: “Bütün terrorçular həbs edilərək cəzalandırılacaq. Artıq bu işlə əlaqədar 9 nəfər şübhəli şəxs qismində saxlanılıb. PYD və onun silahlı qolu YPG-nin terror təşkilatı olması ilə bağlı sübutları başqa dövlətlərə təqdim edəcəyik. Onlar da konkret mövqelərini ortaya qoysunlar”.

Qeyd edək ki, Ankarada baş vermiş terror aktı nəticəsində 18 ölüb, 60-dan çox insan yaralanıb.

AzVision.az


Teqlər:  



Xəbər lenti