İrəvanda etiraz dalğası: Nalbandyan və Xaçaturovun istefası tələb olunur

  15 Aprel 2016    Oxunub : 3250
İrəvanda etiraz dalğası: Nalbandyan və Xaçaturovun istefası tələb olunur
Ermənistanda “biz ölkəmizin sahibləriyik” təşəbbüs qrupu aprelin 22-də xarici işlər naziri Edvard Nalbandyan və baş qərargah rəisi Yuri Xaçaturovun istefaya göndərilməsi tələbi ilə Serj Sarkisyanın iqamətgahına yürüş təşkil edəcək.

AzVision.az-ın “Novosti Armeniya”ya istinadən verdiyi xəbərə görə, təşəbbüs qrupu tərəfindən Nalbandyan və Xaçaturov fəaliyyətsizlikdə və insan ölümü ilə nəticələnən vəziyyətə nəzarətsizlikdə ittiham edilir.

Bundan əlavə, etirazçılar erməni oliqarxlardan dövlət büdcəsinə beş milyon dollar köçürmələrini tələb edirlər. Oliqarxlar siyahısında Serj Sarksiyanın qardaşı Saşik, baş nazir Ovik Abramyan və digər hökumət rəsmiləri də var.

Toplanan məbləğ dövlət büdcəsində xüsusi hesaba köçürülməli və xərclənən vəsaitə ictimaiyyət nəzarət etməlidir.

Edar Tanrıverdiyev
AzVision.az

Teqlər: