AzVision.az xəbər verir ki, faciə nəticəsində həlak olan soydaşlarımızın ailə üzvləri, yaxınları və dostları Fəxri Xiyabanda onların məzarlarını ziyarət edib, xatirələrini yad ediblər.



Xatırladaq ki, 1991-ci il noyabrın 20-də Xocavənd rayonunun Qarakənd kəndi üzərində “Mİ-8" vertolyotunun ermənilər tərəfindən vurulması nəticəsində Azərbaycanın bir çox dövlət xadimləri və jurnalistlər həlak olublar.

Həlak olanlar arasında dövlət katibi Tofiq İsmayılov, baş prokuror İsmət Qayıbov, dövlət müşaviri, sabiq daxili işlər naziri Məhəmməd Əsədov, millət vəkilləri Vaqif Cəfərov, Vəli Məmmədov, baş nazirin müavini Zülfü Hacıyev, Prezident Aparatının şöbə müdiri, jurnalist Osman Mirzəyev, Qazaxıstan daxili işlər nazirinin müavini Sanlal Serikov, Azərbaycan Dövlət Televiziyasının jurnalisti Alı Mustafayev, AzTV-nin işıqçısı Arif Hüseynzadə, video-operator Fəxrəddin İbrahim oğlu Şahbazov da var. Ümumilikdə qəza nəticəsində 22 nəfər həlak olub.





























Anar Kəlbiyev
Foto: Elvin Abdulla

AzVision.az