İtkin düşən alpinistlərin tapılması barədə şayiə yayılıb

  28 Dekabr 2017    Oxunub : 15083
İtkin düşən alpinistlərin tapılması barədə şayiə yayılıb

Quba rayonunun Xınalıq kəndindən Tufandağı istiqamətində yürüşə çıxaraq geri qayıtmayan alpinistlərin tapılması haqda sosial şəbəkədə məlumat yayılıb.

AzVision.az xəbəri dəqiqləşdirmək üçün “Gilavar” klubunun rəhbəri Ziya Qasımovla əlaqə saxlayıb.

Z.Qasımov hazırda Xınalıqda Ekologiya və Təbii Sərvətlər Nazirliyinin postunda olduğunu və alpinistlərin tapılması haqda xəbər almadıqlarını bildirib.

“Hazırda qərərgahdayam. Alpinistlərin tapılması ilə bağlı xəbər yoxdur. Bununla bağlı şayiə yayılmışdı. Yoxladıq, məlumat düz çıxmadı. Kimsə nəsə bilirsə, bizə məlumat versin”.

Qeyd edək ki, Tufandağı istiqamətində yürüşə çıxan "Gilavar" Hava və Ekstrim İdman Klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlu itkin düşüb. Onların axtarışları davam etdirilib.

Aytən Zəhra
AzVision.az

Teqlər: