Alpinistlərin axtarışları davam etdirilir

  29 Dekabr 2017    Oxunub : 1498
Alpinistlərin axtarışları davam etdirilir

"İtkin düşən alpinistlərin axtarışları davam edir və hələlik nəticə yoxdur".

Bu barədə AzVision.az-a “Gilavar” İdman klubunun direktoru Ziya Qasımov bildirib. O qeyd edib ki, alpinistlər haqqında yanlış məlumatlar lazım deyil:

“Mənimlə məlumatları dəqiqləşdirmək lazımdır. Alpinistlərin Rusiyaya getməsi haqqında informasiya yayılıb. Belə yanlış məlumatlar kimə lazımdır? Hazırda axtarışlar davam edir. Dövlət Sərhəd Xidməti, Fövqəladə Hallar Nazirliyi, Ekologiya və Təbii Sərvətlər Nazirliyi və FAİREX üzvlərindən ibarət komanda axtarışlar aparır".

Xatırladaq ki, dekabrın 23-də Quba rayonunun Xınalıq kəndindən Tufandağ istiqamətində yürüşə çıxmış “Gilavar” - hava və ekstrim idman klubunun 3 üzvü (Babur Hüseynov, Namin Bünyatov və Fəridə Cəbrayılzadə) geri qayıtmayıb və onlarla əlaqə kəsilib.

Aytən Zəhra
AzVision.az

Teqlər: Alpinist   İtkin