Bayram günlərində təcili yardıma 2100 müraciət daxil olub

Bayram günlərində təcili yardıma 2100 müraciət daxil olub
  04 Yanvar 2018    Oxunub:2185
“Bayram günlərində təcili tibbi yardıma müraciət edənlərin sayında ciddi artım qeydə alınmayıb”.
Bu barədə AzVision.az-a Bakı şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev məlumat verib. Onun sözlərinə görə, insanlar daha çox təzyiq, əsəb, ürək və baş ağırısı ilə əlaqədar təcili tibbi yardıma müraciət edib.

“Ümumi çağırışlar olub. Diqqəti cəlb edən, ağır hadisə və ya bayram tədbirləri ilə əlaqədar xoşagəlməz hadisə qeydə alınmayıb. Poliklinikaların işləməməsi ilə əlaqədar çağırışların sayı bir qədər artıb. Haradasa 100-200 əlavə çağırış olub. Ümumilikdə isə bayram günlərində təcili tibbi yardıma 2000-2100 çağırış daxil olub”.

R.Nağıyev vurğulayıb ki, 2-3 nəfər qəbul etdiyi qida ilə əlaqədar müraciət edib.

Aytən Zəhra
AzVision.az


Teqlər: Təcili-Yardım  





Xəbər lenti