Qarabağda yaralanan erməni hərbçilərin vəziyyəti ağırdır

  09 Yanvar 2018    Oxunub : 831
Qarabağda yaralanan erməni hərbçilərin vəziyyəti ağırdır
İşğal altında olan Qarabağda yaralanan erməni hərbi qulluqçu İrəvana köçürülüb.
AzVision.az Ordu.az-a istinadən xəbər verir ki, ötən gün Qarabağın şimal-şərq istiqamətində yerləşən hərbi hissələrdən birinin döyüş postunda mina partlayışı nəticəsində yaralanan iki hərbi qulluqçudan birini bu gün Xankəndindən Ermənistanın Müdafiə Nazirliyinin mərkəzi hərbi hospitalına köçürüblər.

Qarabağdakı hərbi hospitaldan bildiriblər ki, yaralı hərbçinin ayağı amputasiya edilib, vəziyyəti ağırdır və onun İrəvana köçürülməsi barədə qərar qəbul edilib.

Xatırladaq ki, mina partlayışından yaralanan digər erməni hərbi qulluqçu, N. Marukyanın da ayağını amputasiya ediblər və o, yanvarın 8-də hərbi hospitala yerləşdirilib. Hazırda vəziyyəti ağırdır.

Alpər Mövludoğlu
AzVision.az

Teqlər: Qarabağ   Düşmən   Hərbçi   Hospital