Bakıdakı yanğında 10 nəfər xilas edilib - Yenilənib

  02 Fevral 2018    Oxunub : 911
Bakıdakı yanğında 10 nəfər xilas edilib - Yenilənib
Bakı şəhəri, Nərimanov rayonunda çoxmərtəbəli yaşayış binasının şaxtasından keçən tüstü borusunun üzərinə çəkilmiş şüşə pambıq üzlük və içərisinə yığılmış yağ qalıqları 60 p.m sahədə yanıb.
AzVision.az FHN-in saytına istinadən xəbər verir ki, yanğın zamanı 2 nəfər tüstüdən zəhərlənib, 10 nəfər bina sakini, o cümlədən 4 nəfər azyaşlı təhlükəsiz əraziyə təxliyə olunub.

Mənzillər yanğından mühafizə olunub. Yanğın yanğın bölmələri tərəfindən söndürülüb.

***
(11:32)

Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Nərimanov rayonunda çoxmərtəbəli binanın damında yanğın baş verib.

Fövqəladə Hallar Nazirliyindən AzVision.az-a verilən xəbərə görə, yanğın yanğın bölmələri tərəfindən söndürülüb. Əlavə məlumat veriləcək.

AzVision.az

Teqlər: FHN   Yanğın