Qətl törədən dəstənin daha iki üzvü tutuldu

  06 Fevral 2018    Oxunub : 621
Qətl törədən dəstənin daha iki üzvü tutuldu
Polis və prokurorluq əməkdaşlarının birgə həyata keçirdiyi əməliyyat tədbirləri nəticəsində Bakı şəhər sakini Osman Abdullayevi güllələyərək qətlə yetirməkdə təqsirli bilinən Emin Həmidov və Nicat Quliyev tutulublar.
Daxili İşlər Nazirliyindən AzVision.az-a verilən məlumata görə, yanvarın 15-də 1992-ci il təvəllüdlü Abdullayev Osman Fazil oğlunun meyiti Qaradağ rayonu ərazisində yol kənarında tapılıb. Cinayət baş verən ərazidən “Makarov” tipli tapançanın gilizləri aşkar edilib. Meyitin müayinəsi zamanı gəncin başından 1 güllə ilə qətlə yetirildiyi məlum olub.

Faktla bağlı Qaradağ rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Cinayətkar qruplaşmanın digər üzvü Həsən Məşədiyev bir neçə gün əvvəl Hökməli qəsəbəsində polisə silahlı müqavimət göstərərkən öldürülüb.

AzVision.az

Teqlər: DİN   Qətl