FHN Bakıdakı partlayışla bağlı məlumat yaydı

  06 Fevral 2018    Oxunub : 989
FHN Bakıdakı partlayışla bağlı məlumat yaydı
Fövqəladə Hallar Nazirliyi (FHN) Bakıda zavodda baş verən partlayışla bağlı məlumat yayıb.
AzVision.az FHN-ə istinadən xəbər verir ki, bu gün saat 19:17-də nazirliyin "112" qaynar telefon xəttinə Bakı şəhərində Müdаfiə Sənаyеsi Nаzirliyinə aid müəsisissələrdən birinin ərazisində partlayışla nəticələnən yanğın hadisəsinin baş verməsi barədə məlumat daxil olub.

İlkin məlumata görə, hadisə ümumi sahəsi, təqribən 250 m2 olan pirotexniki məhsulların saxlandığı anbarda baş verib. Dövlət Yanğından Mühafizə Xidmətinin ilk yanğın bölmələri hadisə yerinə saat 19:20-də çatıb. Yanğın saat 20:08 dəqiqədə söndürülüb.

Hadisə nəticəsində xəsarət alanlar barədə məlumat daxil olmayıb. Ətraf ərazilərə təhlükə yoxdur. Əlavə məlumat veriləcək.​

AzVision.az

Teqlər: FHN   Zavod   Partlayış