Azərbaycan məhsulları Berlində nümayiş olunur

  07 Fevral 2018    Oxunub : 509
Azərbaycan məhsulları Berlində nümayiş olunur
Bu gün Almaniyanın paytaxtı Berlin şəhərində "Fruit Logistica" meyvə-tərəvəz sərgisi öz işinə başlayıb.
İqtisadiyyat Nazirliyinin mətbuat xidmətindən AzVision.az-a bildiriblər ki, fevralın 9-dək davam edəcək sərgidə dünyanın 80-dan çox ölkəsindən olan 3000-dən çox şirkətin məhsulları nümayiş olunur.

Sərginin Azərbaycana aid pavilyonlarında Azərbaycan şirkətlərinin istehsal etdiyi meyvə-tərəvəz məhsulları vahid ölkə stendi ilə sərginin ziyarətçilərinə təqdim edilir.

Qeyd edək ki, "Fruit Logistica" sərgisinin virtual kataloqlarında, meqa-bordlarında, bannerlərində Azərbaycan barədə məlumatlar yerləşdirilib. Bundan başqa, sərgidə "Made in Azerbaijan" brendinin reklam çarxları nümayiş olunur, ziyarətçilərə müxtəlif çap materialları paylanılır.

AzVision.az

Teqlər: İqtisadiyyat-Nazirliyi   Berlin