7 ildə 100 minə yaxın ailə boşanıb

  15 Fevral 2018    Oxunub : 2541
7 ildə 100 minə yaxın ailə boşanıb
Dövlət Statistika Komitəsinin bu gün yaydığı məlumata görə, 2017-ci ildə ölkəmizdə 14 514 boşanma faktı qeydə alınıb.

AzVision.az rəsmi məlumatlar əsasında Azərbaycanda son 7 il ərzində baş verən boşanma hallarının statistikasını araşdırıb. Məlum olub ki, 2010-cu ildən 2017-ci ilə qədər boşanmaların sayında artım baş verib.
Belə ki, 2010-cu ildə boşanma hallarının sayı 8,9 min, 2011-ci ildə 10,7 min, 2012-ci ildə 11 min, 2013 ildə 11,7 min, 2014-cü ildə 12,1 min, 2015-ci ildə 12,8 min, 2016-ci ildə 13,1min, 2017-ci ildə isə 14,5 min olub. Ümumilikdə isə 7 ildə 94800 ailə boşanıb.

Boşanmalara əsas səbəb kimi xəyanət, ailədaxili münaqişələr, xarakteri uyğun olmayan insanların kənar şəxslərin təzyiqi ilə izdivac qurması və digər amillər göstərilir.

Anar Kəlbiyev
AzVision.az

Teqlər: Statistika   Boşanma