Daxili İşlər Nazirliyinin mətbuat xidmətindən verilən xəbərə görə, fevralın 22-dən 23-nə keçən gecə Nizami rayonu ərazisində yerləşən “Alov” parkındakı “Alov” restoranının havalandırma sistemində bir nəfər naməlum şəxsin sıxılmış vəziyyətdə qalması barədə polisə məlumat daxil olub. Daxil olan məlumat əsasında hadisə yerinə polis və Fövqəladə Hallar Nazirliyinin əməkdaşları cəlb edilib. Həyata keçirilən tədbirlərlə bacaya düşən şəxs xilas edilərək xəstəxanaya yerləşdirilib.
Araşdırmalar nəticəsində xilas edilən şəxsin Abşeron rayon sakini, 30 yaşlı Mehralıyev Asif Çingiz oğlu olması müəyyən edilib.
Qeyd olunub ki, A. Mehralıyev guya kimlərsə tərəfindən bacaya atılmasıı barədə KİV-də yayılan məlumatlar həqiqətə uyğun deyil. Belə ki, A. Mehralıyev dindirilərkən məlum olub ki, o, iki gün əvvəl həmin restoranda işə düzəlibmiş. Hadisə baş verən gün isə A. Mehralıyev restoranın rəhbərliyindən icazə alaraq gedib. Yeyib-içdikdən sonra o, sərxoş vəziyyətdə işlədiyi restorandan oğurluq etmək niyyətinə düşüb. Bu məqsədlə də A. Mehralıyev gecə saat 02.00 radələrində restoranın havalandırma sistemi ilə içəriyə daxil olmaq istəyib. Lakin havalandırma sistemi dar olduğu üçün o hərəkətsiz vəziyyətdə qalıb və niyyətini başa çatdıra bilməyib.
Hazırda A. Mehralıyevin xəstəxanada müalicəsi davam etdirilir. Faktla bağlı Nizami Rayon Polis İdarəsi tərəfindən araşdırma aparılır.(APA)
AzVision.az
FHN-nin xilas etdiyi şəxs oğru çıxdı
24 Fevral 2018
Oxunub:1361
Bakıda havalandırma sistemində sıxılmış vəziyyətdə qalan şəxsin oğurluq məqsədilə ora düşdüyü məlum olub.
Vaxtında, Aydın, Lazımlı!
-1706007679.jpg&h=190&w=280&zc=1&q=100)
-1738951249.jpg&h=190&w=280&zc=1&q=100)
-1739961451.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
