Telman Zeynalov: “Qarın yağmaması ekoloji müharibələrlə bağlıdır”

Telman Zeynalov: “Qarın yağmaması ekoloji müharibələrlə bağlıdır”
  28 Fevral 2018    Oxunub:8143
"Havanın quraqlıq keçməsi, qar yağmaması dünyada gedən ekoloji müharibələrlə bağlıdır".

Bunu AzVision.az-a açıqlamasında Milli Ekoloji Proqnozlaşdırma Mərkəzinin rəhbəri Telman Zeynalov deyib. Ekoloq bildirib ki, ABŞ və Rusiya arasında aparılan metereoloji müharibə ölkələrin iqtisadiyyatına mənfi təsir göstərir.
“Moskvada və Kanadada 17 dərəcə şaxtadır. Bizdə isə bu il qar yağmayıb, hava quraqlıq keçir. Tarix boyu belə hadisə olmayıb. Bizdən fərqli olaraq qar Rusiyada məhsulları məhv edib. Nəzərə alaq ki, Rusiyanı kənd təsərrüfatı ilə təmin edən ölkələr Azərbaycan, Gürcüstan, Orta Asiya ölkələridir. Həmçinin deyə bilərik ki, bu il qar yağmadığı üçün məhsuldarlıq zəif olacaq. Əgər yaz vaxtı yağış yağarsa, məhsul su altında qalacaq və məhv olacaq. Nəticədə bu, bizim ölkəmizlə yanaşı Rusiya və digər ölkələrə də mənfi təsir göstərəcək”.

T.İsmayılov Bakıda temperaturun normadan aşağı olduğunu deyib: “İki aydır Bakıda günəş işığı görsənmir. Hava buludlu olanda temperatur üstün olmalıdır. Amma Azərbaycanda temperatur bu il 4-8 dərəcə arasında dəyişir. Bundan əvvəl isə göstərici 9-15 dərəcə olub. Nəticədə ölkədə temperatur normadan aşağı olub, qar yağmayıb, yağış isə hərdənbir yağıb. Qeyd etdiyimiz kimi, anomal hava şəraiti ekoloji müharibələrə bağlıdır, bunun fəsadları hər kəsə öz təsirini göstərir”.

Aytən Zəhra
AzVision.az


Teqlər: Telman-Zeynalov   Ekoloq  





Xəbər lenti