Ölkəyə gətirilən maşınların sayı 2 dəfədən çox artıb

  09 Mart 2018    Oxunub : 1173
Ölkəyə gətirilən maşınların sayı 2 dəfədən çox artıb
Bu ilin yanvar-fevral aylarında Azərbaycana xaricdən 2 065 ədəd avtomobil gətirilib.
AzVision.az Dövlət Gömrük Komitəsinə (DGK) istinadən bildirir ki, bu, ötən ilin eyni dövrü ilə müqayisədə 1 062 ədəd və yaxud 2,05 dəfə çoxdur.

Məlumata görə, ölkəyə gətirilən avtomobillərin 11 ədədi və yaxud 0,53%-i sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 1 867 ədədi və yaxud 90,4%-i əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 182 ədədi və yaxud 8,85%-i yük daşımaq üçün motorlu nəqliyyat vasitələri, 5 ədədi, yaxud 0,24%-i isə xüsusi təyinatlı motorlu nəqliyyat vasitələridir.

Ötən ilin yanvar-fevral aylarına nisbətən sürücü daxil olmaqla, 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələrinin sayı 6 ədəd və yaxud 2,2 dəfə, əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin sayı 2,19 dəfə və yaxud 1 015 ədəd, yük daşımaq üçün motorlu nəqliyyat vasitələrinin sayı 43 ədəd və yaxud 30,94% artıb. Əvəzində xüsusi təyinatlı motorlu nəqliyyat vasitələrinin sayı isə 2 ədəd və yaxud 28,6% azalıb.

AzVision.az

Teqlər: DGK   Avtomobil   İdxal