"Neftçalada istehsal edilən maşınlar ucuzlaşmaya səbəb olacaq" - Ekspert

"Neftçalada istehsal edilən maşınlar ucuzlaşmaya səbəb olacaq" - Ekspert
  06 Aprel 2018    Oxunub:10281
““Xəzər” avtomobillərinin istehsalı bazardakı ekonom avtomobillərin qiymətinə təsir göstərəcək”.

Bunu AzVision.az-a açıqlamasında iqtisadçı ekspert Vüqar Bayramov deyib. Ekspert bildirib ki, “Xəzər” bazara sırf ucuz qiymətə olan avtomobillərin daxil olması deməkdir.
“İlk illərdə olmasa da, tədricən sonrakı illərdə xaricdən idxal olunan, ili köhnə avtomobillərin qiymətlərinin azalmasına gətirib çıxara bilər. Amma 2018-ci il üçün ekonom avtomobillərdə qiymət azalması gözlənilmir. Nəticə etibarı ilə istehsalın gücləndirilməsi və bazara yerli məhsulların daxil olması ili köhnə olan və 2000-ci illər ətrafında istehsal olunan avtomobillərin qiymətlərində azalmalara gətirib çıxaracaq”.

Qeyd edək ki, “Azərmaş” MMC və “İran Khodro” şirkətinin birgə istehsalı olan “Xəzər” avtomabil zavodunun açılı olub. Zavodun illik istehsal gücü 10 min avtomobildir. Zavodda İran İslam Respublikası və Avropanın aparıcı ölkələrinin müasir texnologiyalar, avadanlıq və mexanizmləri əsasında “Runna”, “Samand”, “Soren”, “Dena”, “Peugeot-206”, “Peugeot-207”, “Renault-Tondar”, “Renault-Pickup” kimi avtomobil modelləri istehsal olunur. İldə 2 min avtomobilin ixracı planlaşdırılır. Bu avtomobillərin MDB, Yaxın Şərq və Afrika ölkələrinə ixracı nəzərdə tutulur.





Aytən Zəhra
AzVision.az


Teqlər:





Xəbər lenti


Azvision.az ©2014 | Bütün hüquqları qorunur