Aqrar sığorta informasiya sistemi yaradılır

  26 Aprel 2019    Oxunub : 1300
Aqrar sığorta informasiya sistemi yaradılır
Azərbaycanda aqrar sığorta informasiya sistemi yaradılacaq.
Azvision.az xəbər verir ki, bu barədə yeni hazırlanan “Aqrar sığorta haqqında” qanun layihəsində qeyd olunub.

Qanun layihəsinin 13-cü (Aqrar sığorta informasiya sistemi) maddəsinə əsasən, aqrar sığorta ilə bağlı fəaliyyət üzrə subyektlərin hərəkətlərin elektron qaydada aparılması, aqrar sığorta məhsulunun elektron təşkili, aqrar sığortalıların qeydiyyatının və göstərilən xidmətlərə nəzarətin operativ qaydada həyata keçirilməsi məqsədilə aqrar sığorta orqanı tərəfindən aqrar sığorta informasiya sistemi yaradılır.

Aqrar sığorta informasiya sistemi dövlət informasiya sistemi sayılır. Sistemin əsasnaməsi müvafiq icra hakimiyyəti orqanının müəyyən etdiyi orqan (qurum) tərəfindən təsdiqlənir.

Aqrar sığorta infomasiya sisteminə inteqrasiya edilməli olan informaisya sistemlərinin və onlardan əldə olunan məlumatların siyahısı müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir.

Anar Kəlbiyev
Azvision.az

Teqlər: Aqrar   Sığorta   Sistem