280 623 hektar ərazidə taxıl biçini aparılıb

  14 İyun 2019    Oxunub : 427
280 623 hektar ərazidə taxıl biçini aparılıb
Bu günə qədər Azərbaycan ərazisində 280 623 hektar ərazidə taxıl biçini aparılıb.
Kənd Təsərrüfatı Nazirliyindən Azvision.az -a verilən məlumata görə, bunun 225 782 hektarı arpa, 54 841 hektarı isə buğda əkilmiş ərazidir. Ümumilikdə, bu günə qədər ölkə üzrə 843 624ton taxıl yığılıb, orta məhsuldarlıq hər hektara 30 sentner təşkil edir.

Bərdə rayonunda arpa biçini başa çatıb. Kürdəmir, Sabirabad Beyləqan, Zərdab, Yevlax, CəlilabadMasallı rayonlarında arpa biçini başa çatmaq üzrədir. Kürdəmir ərazisində arpa əkilmiş 29 926 hektar sahənin 29 161 hektarı artıq biçilib. Rayonda arpa üzrə məhsuldarlıq 33,3 s/ha təşkil edir. Sabirabad ərazisində arpa əkilmiş 9 600 hektar sahənin 9 550 hektarı artıq biçilib. Rayonda arpa üzrə məhsuldarlıq 37,5 s/ha təşkil edir. Neftçala, Şəki, Biləsuvar, Sabirabad, Cəlilabad, Zərdab, Yevlax, Bərdə, Beyləqan, Samux, Goranboy, Qax, Masallı, Ağcabədi, Füzuli, Ağdam, Tərtərİmişli rayonlarında da arpa biçinində yüksək nəticələr əldə edilib.

Azvision.az

Teqlər: Taxıl