6 ayda 7198 yeni müəssisə və təşkilat yaradılıb

   6 ayda 7198 yeni müəssisə və təşkilat yaradılıb
  21 Avqust 2019    Oxunub:1898
Azərbaycanda 2019-cu ilin altı ayı ərzində 7198 yeni müəssisə və təşkilat yaradılıb. Bunların 81,5 faizi Bakı şəhərində, 4,8 faizi Aran iqtisadi rayonunda, 4,4 faizi Abşeron iqtisadi rayonunda, 2,7 faizi Gəncə-Qazax iqtisadi rayonunda, 1,9 faizi Quba-Xaçmaz iqtisadi rayonunda, 1,5 faizi Lənkəran iqtisadi rayonunda, 1,1 faizi Şəki-Zaqatala iqtisadi rayonunda, 0,7 faizi Yuxarı-Qarabağ iqtisadi rayonunda, 0,7 faizi Naxçıvan Muxtar Respublikasında, 0,6 faizi Dağlıq-Şirvan iqtisadi rayonunda və 0,1 faizi isə Kəlbəcər-Laçın iqtisadi rayonunda fəaliyyətə başlayıb.
Dövlət Statistika Komitəsindən Azvision.az -a verilən məlumarta görə, 2019-cu ilin yanvar-iyun ayları ərzində ölkədə yeni açılmış iş yerlərinin 43,8 faizi yeni yaradılmış müəssisə və təşkilatlarda, 28,5 faizi mövcud müəssisə və təşkilatlarda, 0,3 faizi fəaliyyətini bərpa etmiş müəssisə və təşkilatlarda qeydə alınıb.

Yeni iş yerlərinin 63,6 faizi Bakı şəhərinin, 0,4 faizi Naxçıvan Muxtar Respublikasının, 36,0 faizi digər regionların, o cümlədən 13,0 faizi Aran, 6,4 faizi Gəncə-Qazax, 6,2 faizi Lənkəran, 2,6 faizi Dağlıq Şirvan, 2,5 faizi Yuxarı Qarabağ, 2,4 faizi Şəki-Zaqatala, 1,8 faizi Abşeron, 1,0 faizi Quba-Xaçmaz, 0,1 faizi isə Kəlbəcər-Laçın iqtisadi rayonlarının payına düşüb.

Hüquqi şəxslər tərəfindən yaradılmış iş yerlərinin 55,3 faizi inzibati və yardımçı xidmətlərin göstərilməsi, 11,2 faizi tikinti, 7,8 faizi ticarət; nəqliyyat vasitələrinin təmiri, 5,7 faizi emal sənayesi, 2,5 faizi dövlət idarəetməsi və müdafiə; sosial təminat, 2,4 faizi turistlərin yerləşdirilməsi və ictimai iaşə, 2,0 faizi kənd təsərrüfatı, meşə təsərrüfatı və balıqçılıq, 2,0 faizi peşə, elmi və texniki fəaliyyət, 11,1 faizi isə digər iqtisadi fəaliyyət növləri üzrədir.

Aytən Zəhra
Azvision.az


Teqlər: Statistika   Müəssisə   İş   Təşkilat  





Xəbər lenti