“Büdcəyə vergidaxilolmaları əhəmiyyətli şəkildə artıb” - Nazir

  13 Sentyabr 2019    Oxunub : 979
“Büdcəyə vergidaxilolmaları əhəmiyyətli şəkildə artıb” - Nazir
Cari ilin 8 ayında 562 vergi yoxlaması aparılıb. Kölgə iqtisadiyyatı yalnız vergilərdən yayınmaya şərait yaratmır, həm də haqsız rəqabətə və onun genişlənməsinə, leqal biznesin sıxışdırılmasına, dövlətin və cəmiyyətin maliyyə dayaqlarının zəifləməsinə səbəb olmaqla ölkənin iqtisadi təhlükəsizliyinə birbaşa təhdidlər yaradır.
Azvision.az xəbər verir ki, bunu Vergilər naziri Mikayıl Cabbarov deyib. Onun sözlərinə görə, vergi islahatları nəticəsində cari ilin ötən dövründə əvvəlki illə müqayisədə dövlət büdcəsinə vergidaxilolmaları əhəmiyyətli şəkildə artıb.

Nazir, həmçinin qeyd edib ki, artımlar qeyri-neft-qaz sektorunun hesabına baş verib və iqtisadiyyatın ayrı-ayrı sektorlarında baş verən “ağarma indikatorları”nın rolu burada həlledici olub.

Azvision.az

Teqlər: Vergi   Nazir   MikayılCabbarov