Ödənişi gecikdirilmiş kreditlər 1,2 milyaddan çoxdur

  25 Fevral 2020    Oxunub : 2558
Ödənişi gecikdirilmiş kreditlər 1,2 milyaddan çoxdur
Mərkəzi Bankın təqdim etdiyi məlumata görə, yanvarın 1-nə ölkənin bank və digər kredit təşkilatlarının kredit portfeli milli valyuta ekvivalentində 15 milyard 297,2 milyon manat təşkil edib.
Dövlət Statistika Komitəsindən Azvision.az -a bildirilib ki, ümumi kredit portfelinin 12 milyard 378,8 milyon manatı və ya 80,9 faizi uzunmüddətli kreditlərin payına düşüb.

Kreditlərin 97,4 faizi banklar, 2,6 faizi isə bank olmayan kredit təşkilatları və kredit ittifaqları tərəfindən verilib. Ödəmə vaxtı keçmiş kreditlərin məbləği 1 milyard 272,5 milyon təşkil edib və ümumi kredit portfelinin 8,3 faizinə bərabər olub.

Azvision.az

Teqlər: Kredit   Statistika