Əmanətlərin sığortalanması müddəti uzadılır

  13 Mart 2020    Oxunub : 1576
 Əmanətlərin sığortalanması müddəti uzadılır
Bu yaxınlarda Prezident İlham Əliyevin imzası ilə Milli Məclisə əmanətlərin sığortalanması müddətinin uzadılması barədə qanun layihəsi daxil olub.
Azvision.az -ın məlumatına görə, parlamentin bu gün keçirilən iclasında “Əmanətlərin tam sığortalanması haqqında” qanuna dəyişiklik layihəsi müzakirəyə çıxarılacaq.

Belə ki, qanunun 3-cü maddəsində "4 (dörd) il" sözləri "4 (dörd) il 9 (doqquz) ay" sözü ilə əvəz edilir.

Qeyd edək ki, 4 mart 2016-cı ildə “Əmanətlərin tam sığortalanması haqqında” qanun qüvvəyə mindikdən sonra banklarda qəbul edilən əmanətin tam sığortalanmasına (əmanətlərin illik faiz dərəcəsinin yuxarı həddi xarici valyuta üzrə 3 faiz və milli valyuta üzrə 15 faiz olmaqla) başlanılıb. Bu şərtlər çərçivəsində, 4 mart 2016-cı il - 4 mart 2019-cu il tarixlərində yerləşdirilmiş əmanətlər müddəti bitənədək tam sığortalı olub.

Anar Kəlbiyev
Azvision.az

Teqlər: Əmanət   Sığorta