Novxanı sakini 1200 nəfəri qazsız qoydu

  28 İyun 2020    Oxunub : 2533
Novxanı sakini 1200 nəfəri qazsız qoydu
Bu gün saat 12:00 radələrində Novxanı qəsəbəsi, bağ massivində vətəndaş Sumqayıt Qaz İstismarı Sahəsinə məlumat vermədən qaz xəttinin yerini dəyişdirməyə cəhd göstərib.
"Azəriqaz" İB-dən Azvision.az -a verilən məlumata görə, həmin şəxs qapı keçidinin düzəldilməsi üçün özbaşına olaraq qaz təchizatını dayandırıb, nəticədə 1200-ə yaxın abonent qazsız qalıb.

"Bu barədə məlumat daxil olan kimi Sumqayıt Qaz İstismarı Sahəsinin əməkdaşları dərhal hadisə yerinə gedib və baş verənlər barədə polis orqanları məlumatlandırılıb. Qanunsuz müdaxilə edilən qaz xətti əvvəlki formasına qaytarılıb.

Qeyd edək ki, vətəndaş mövcud qaz xəttində hər hansı dəyişiklik etmək istəyərsə, ərizə ilə müraciət edərək müvafiq prosedurları yerinə yetirməlidir", - deyə məlumatda bildirilib.

Azvision.az

Teqlər: Azəriqaz   Novxanı