Sahibi sürgün edilmiş tarixi dəyirman - VİDEO+FOTOLAR

 Sahibi sürgün edilmiş tarixi dəyirman -  VİDEO+FOTOLAR
  06 İyul 2020    Oxunub:22074
Ramaz su dəyirmanı Zaqatala rayonunun Dardoqqaz kəndində yerləşir. Əsası 1916-1918-ci illərdə Abdullayev qardaşları tərəfindən qoyulmuş dəyirman hələ də fəaliyyətini davam etdirir.
Dəyirmanın sahibi olmuş Abdullayev Ramaz Kahov Abdulla oğlu 1933-cü ildə bütün əmlakı müsadirə edilməklə Sibirə sürgün edilib. Uzun illərdən sonra - 2002-ci ildə tarixi dəyirman öz sahiblərinə geri qaytarılıb.

Hazırda su dəyirmanı işlək vəziyyətdə qorunub saxlanılır.



Yerli sakinlərin dediyinə görə, su dəyirmanının unu keyfiyyətinə görə digər unlardan fərqlənir. Belə ki, üyütmə zamanı buğda isinmədiyindən tərkibində olan vitamin və mineral maddələr itmir.



Elə bu səbəbdən digər rayon və şəhərlərdən un üyütmək üçün bu dəyirmana taxıl gətirənlər olur. Dəyirman suyun çarxı fırlatması ilə işə düşür. Texnika müasirləşdikcə su dəyirmanlarına maraq azalıb, lakin dəyirmanın sahibi bütün çətinliklərə baxmayaraq, ata-babalarından miras qalmış sevimli peşəni davam etdirəcəyini söyləyir.

Azvision.az-ın bir əsrdən çox tarixi olan dəyirmandan hazırladığı reportajı təqdim edirik:




































Foto / Video: Əhməd Xəlilov
Montaj: Bəxtiyar Məmmədov

Azvision.az


Teqlər: Zaqatala   Dəyirman  





Xəbər lenti