Bakıda oğurluq edənlər tutuldu

  06 İyul 2020    Oxunub : 1853
Bakıda oğurluq edənlər tutuldu
Paytaxtın Binəqədi və Suraxanı rayonlarında oğurluqla məşğul olan şəxslər tutulublar.
Daxili İşlər Nazirliyinin mətbuat xidmətindən Azvision.az -a bildirilib ki, Binəqədi rayonunun Biləcəri qəsəbəsindəki qəbiristanlıqdan məzarların ətrafına çəkilmiş dəmir barmaqlıqları oğurlamaqda şübhəli bilinən Bakı şəhər sakini Ə.Məhərrəmov və Abşeron rayon sakini F.Bayramov rayon polis idarəsinin 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində yaxalanıblar.

İyunun 15-də Suraxanı rayonu ərazisindəki evlərin birindən pul və mobil telefon oğurlamaqda şübhəli bilinən qrupun digər üzvü - Bakı şəhər sakini O.Süleymanlı rayon polis idarəsinin 32-ci polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb.

Hər iki faktla bağlı araşdırma aparılır.

Azvision.az

Teqlər: DİN