Bakıda yenə tıxac yarandı, avtobuslar gecikir - FOTO

  10 Avqust 2020    Oxunub : 1556
Bakıda yenə tıxac yarandı, avtobuslar gecikir -    FOTO
Hazırda Moskva prospekti "20 Yanvar dairəsi" istiqamətində və M.Əliyev küçəsindəki dairədə sıxlıq müşahidə olunur. Xeyli sayda sərnişin avtobusunun intervalında gecikmələr yaranır.
Azvision.az xəbər verir ki, bu barədə Bakı Nəqliyyat Agentliyinin (BNA) Mətbuat Xidmətinin rəhbəri Mais Ağayev bildirib.

Qurum rəsmisi qeyd edib ki, sərnişindaşımalarının yalnız avtobuslarla həyata keçirildiyi indiki vaxtda bu kimi hallar ciddi çətinliklər yaradır:

"Bir marşrut xətti üzrə bir və ya bir neçə avtobusun intervalında yaranan gecikmə həm dayanacaqlarda, həm də digər xətlər üzrə avtobuslarda sıxlıqlara səbəb olur. Qeyd olunanları nəzərə alaraq bir daha fərdi minik avtomobili sürücülərini hərəkətdə olan zaman sərnişin avtobuslarına qarşı son dərəcə anlayışlı olmağa çağırırıq. Unutmayaq ki, sərnişin avtobusunun əhəmiyyəti onun içindəki dəyərli vətəndaşlarımız və sərnişinlərimizdir".





Azvision.az

Teqlər: Bakı   Nəqliyyat   Avtobus   Tıxac