Ordumuz Petrosyanın "16 yaşlı qəhrəman"ını belə məhv edib - TƏFƏRRÜATLAR

   Ordumuz Petrosyanın    "16 yaşlı qəhrəman"ını    belə məhv edib -   TƏFƏRRÜATLAR
  31 Oktyabr 2022    Oxunub:1357
Azərbaycan hərbçilərinin İkinci Qarabağ müharibəsi zamanı göstərdiyi daha bir qəhrəmanlıq üzə çıxıb. AzVision.az xəbər verir ki, hərbi məsələləri araşdıran, öldürülmüş erməni hərbçilər haqqında məqalələr yazan Aram Gevorqyan maraqlı və diqqət çəkən videoreportaj hazırlayıb.
Erməni jurnalist qəhrəman hərbçilərimizin məhv etdiyi Aleksandr Arutyunyan adlı həmin şəxsi İkinci Qarabağ müharibəsi zamanı verdikləri ən böyük itkilərdən biri sayıb. Məsələ burasındadır ki, "Tsori Saşko" kimi tanınan bu şəxs sıradan bir döyüşçü olmayıb, o həm də əli dinc azərbaycanlıların qanına batmış tanınmış hərbi canilərdən sayılıb.

Ordumuzun məhv etdiyi 5 dil bilən kəşfiyyatçı: Komandiri onu atıb qaçıb
Gevorqyan deyir ki, Aleksandr Arutyunyan adı çoxları üçün heç nə ifadə etməyə bilər. Lakin "Tsori Saşko"nu Qarabağ erməniləri arasında demək olar ki, hamı tanıyır. Səbəb isə onun "Artsax hərəkatı" (Separatçılar Azərbaycanın tarixi Qarabağ ərazilərinə bu adla iddialı olublar-red.) başlayanda məktəbli kimi proseslərin önündə getməsi və Birinci Qarabağ müharibəsi illərində isə xüsusi könüllü dəstənin ən gənc döyüşçülərindən birinə çevrilməsi olub.

Azərbaycanın çörəyini yeyib suyundan içən xain Arutyunyan tarixi və əzəli torpaqlarımızda baş tutmuş üç müharibəninin üçündə də iştirak edibmiş. Birinci Qarabağ müharibəsi zamanı 16 yaşı olan hərbi cani sağ qala bilib. Aprel döyüşlərində də bəxt hərbi caninin üzünə gülüb. Vətən müharibəsində isə eyforiyaya qapılan, 90-cı illərdə olduğunu düşünən "Tsori Saşko" tikə-tikə edilib.

Aram ağzından süd iyi gələn Aleksandrın 1994-cü ildə guya fədakarlığa görə o dövrdə Ermənistanın ali mükafatı sayılmış 1-ci dərəcəli “Döyüş Xaçı” ilə təltif edildiyini də xatırladıb. Halbuki keçmiş prezident Levon Ter-Petrosyanın sevimli döyüşçüsü kimi təqdim olunan bu uşaq elementar hərbi bilik və davranışları hələ tam qavramamışdı. Sadəcə həmin dövrdə qəzetlərdə manşetləri bəzəyəcək hansısa "qəhrəman" obrazı yaratmaq lazım idi.


2016-cı ilin aprel döyüşləri zamanı isə o, Azərbaycan ordusunun Talış yüksəklikləri istiqamətində uğurla irəliləməsindən hikkələnib. Eyni anormal və gülməli təbliğat işini öz övladı üzərindən quran Aleksandr bu dəfə 15 yaşlı oğlu İvanı da özü ilə Xankəndidən cəbhə bölgəsinə aparıb.

Amma hərbi caninin sonuncu döyüşü, Azərbaycanın Vətən müharibəsi ona baha başa gəlib. Aleksandr bu dəfə məhv olunmaqdan qaça bilməyib, ucuz təbliğat işlərinə isə heç vaxtı da qalmayıb. Aram Gevroqyan Aleksandrın Pilotsuz Uçuş Aparatı (PUA) ilə məhv edildiyini vurğulayıb. Yəni məhz onun durduğu mövqeni PUA-dan atılan raketlə vuran qəhrəman hərbçilərimiz Petrosyanın sevimli hərbçisini tikə-tikə etməklə əvvəlki müharibə və döyüşlərdən qalan qisasımızı almağı bacarıblar.

Xatırladaq ki, Aram Gevorqyan ötən il də oxşar bir faktı üzə çıxarmışdı. Həmin vaxt məlum olmuşdu ki, hərbçilərimiz eks-prezident, hərbi cani Serj Sarkisyanın da sevimli kadrını, kəşfiyyatçısını cəhənnəmə vasil ediblər.

Görünür hələ bundan sonra Aram Gevorqyanın araşdırmalarında şişirdilərək əfsanə kimi təqdim edilən daha çox "Saşko"lar haqqında məlumatlar əldə edəcəyik.

Tural Tağıyev

AzVision.az



Teqlər:   Ermənistan   Qarabağ   Müharibə  





Xəbər lenti