AzVision.az xəbər verir ki, bunu parlamentdə çıxış edən Ermənistanın baş prokuroru Anna Vardapetyan deyib. Onun sözlərinə görə, eks-prezident sabiq müdafiə naziri və hərbi cani, hazırda müxalifətin “Hayastan” fraksiyasının deputatı olan Seyran Ohanyana qarşı qaldırılmış ittiham üzrə sorğu-sual edilib.

Ohanyan: "Qanunsuz yolla varlanmamışam"

Baş prokuror deputatlara deyib ki, "Bu iş çərçivəsində üçüncü prezident dindirilərək ifadəsi alınıb". Eyni zamanda baş prokuror qeyd edib ki, Sarkisyanın birbaşa göstərişi ilə orduda sui-istifadə hallarının baş verməsinə dair konkret sübut yoxdur. Lakin sənədlərin birində Ohanyan əllə yazıb ki, bu məsələni prezidentlə müzakirə edəcək.

Qeyd edək ki, parlament bu gün Ohanyanın sui-istifadədə və xüsusilə külli miqdarda əmlakı mənimsəməkdə ittiham olunaraq deputatlıqdan məhrum edilməsi barədə vəsatətini müzakirə edir. Ötən gün verilən vəsatətlərdən biri bağlı qapılar arxasında müzakirə olunub. Eks-nazir isə müzakirədə iştirak etmir.

Xatırladaq ki, dünən baş prokuror məlum mövzu ilə bağlı parlamentə müraciət ünvanlamışdı. Hərbi cani müdafiə naziri işləyən zaman bir neçə hərbi hissənin ərazisini satıbmış. Bu səbəbdən də ona qarşı cinayət işi açıla bilər.

Tural Tağıyev
AzVision.az

Teqlər:   Ohanyan   Hərbi-Cani   Ermənistan