İrəvanda əsgər valideynləri etiraz aksiyaları keçirirlər - VİDEO

İrəvanda əsgər valideynləri etiraz aksiyaları keçirirlər - VİDEO
  20 Fevral 2023    Oxunub:1063
Ermənistanın Qeqarkunik rayonunun Azad kəndindəki kazarmada baş verən yanğında ölən əsgərlərin yaxınları hökumət binası qarşısında etiraz aksiyası keçiriblər.
AzVision.az xəbər verir ki, aksiya iştirakçılarının tələblərindən sonra onlar Nazirlər Kabinetində görüşə dəvət olunublar.

"20 dəqiqə qışqırdım, əsgərlərim reaksiya verməyib öldülər" - Erməni zabit
Xatırladaq ki, səhər saatlarında əsgərlərin valideynləri Müdafiə Nazirliyinin qarşısında piket keçirəcəklərini bəyan etmişdilər. Onlar övladlarının ölümünün təfərrüatlarına aydınlıq gətirilməsini tələb edirlər. Etirazçıların bəziləri isə müdafiə naziri Suren Papikyanın istefasında israrlıdır. Onlar nazirliyin binasında şüarlar səsləndirdikdən sonra eyni tələblərlə hökumət binası qarşısına toplaşıblar. Əsgər valideynləri Ermənistanın baş naziri Nikol Paşinyanla da görüş tələb ediblər.



Xatırladaq ki, yanvarın 19-na keçən gecə, saat 01:30 radələrində Ermənistanın Basarkeçər rayonunun Azad kəndində yerləşən N saylı hərbi hissədə yanğın baş verib. Nəticədə 15 erməni hərbçisi həlak olub, daha üç əsgər isə ölümcül xəsarətlər alıb. Hadisəyə görə korpus komandiri vəzifədən qovulub. Bundan başqa, daha 10-a yaxın zabitin də vəzifədən uzaqlaşdırılması barədə məlumat yayılıb.

Həmçinin, sözügedən hərbi hissənin arxa bölməsinin rəisi, briqada komandirinin kommunal xidmət üzrə müavini, polkovnik-leytenant Qor Agekyan saxlanılıb. Ölən əsgərlərin yaxınları isə hökumətin səsləndirdiyi təsadüfi yanğın versiyasına inanmırlar.
Tural Tağıyev
AzVision.az



Teqlər:   Ermənistan   Aksiya   Əsgər  





Xəbər lenti


Azvision.az ©2014 | Bütün hüquqları qorunur